كان قصدك عذابي لاتوصـي حريـص
الزمن مايقصـر وأنـت فيـك ابركـه
لاتعاند تراني صـرت مثـل القريـص
ماحـدٍ راح يمـه والعـذاب انهـلـه
لمعة الشوق فيني مثل لمع الفصيـص
والقدم سقتها لـك والطريـق اسلكـه
قانصٍ لك وطحت برمش عينك قنيص
يوم شفته غدا بالقلب سـوت ادبكـه
جيت بافر منك واثـر مالـي محيـص
اثر سهمـك تعـدا للحشـا وادهكـه
اشهد اٍنك بقـدرك وبغلاتـك بخيـص
من كثر زود حبك طحت وسط اشبكـه
خل قلبـي بحبـك ياغناتـي يهيـص
بين روحي وروحـك وقـف المعركـه
ماهو بشرط من دش البحر صار غيص
كم وكم واحدٍ شـاف البحـر واربكـه
اشتوت كبدي وصارت ابعدك حميـص
وقرقعة قلبي ابصـدري تقـول اٍتنكـه
الأمل اٍنطفأ نـوره وباقـي بصيـص
والعمر فـات دوره والزمـان ادركـه
صح قلت أبتعد لاشك منت ابرخيـص
ما تناسـاك عقلـي دام فيـه اٍحركـه
ما يأثر عذولٍ جأ .. عيونـه نفيـص
راح منـي وكفـه بالقهـر يفـركـه
ياحبيبٍ جعلني مـن غلاتـه خبيـص
له عيوني وطن والروح لـه مملكـه
ما علي غير شوفك يا حياتي نقيـص
هاك خيط المحبـه وابيديـك امسكـه
بيـن هـمٍ وتفكيـرٍ وحـظٍ عويـص
كل من قال خله . قلت كيف اتركـه ؟
كيف اخلي حبيبٍ في المحبه خليص ؟
فـارضٍ اٍحترامـه والحنـان اٍملكـه
لوجعل لي رسالة وسط مخبأ القميص
ادري اٍن التجافـي والزعـل فبـركـه
ويوم قلت ابتعد والله منـت برخيـص
كيف يرخص مقام اللي هواه اٍحبكـه ؟
موضوع: كان قصدك عذابي 
الإثنين مارس 31, 2008 8:00 pm
