قالت فمان الله بدلنا بهدار دار ......... بكره نبي نمشي ونسكن في ضواحي قطر
كنت احسبه ضحك ولا مزح ولا اختبار .......... لأكن فجعني دمعها اللي هل مثل المطر
وظلم على الجو يأهل العرف نصف النهار ........ ضاقت في الدنيا العريضة من سمعت الخبر
واكبر عذابي يوم شفت البيت مآبه بشر ......... إلا بقايا باب غرفتها الجديد انكسر
والبيت متغير بدا ينزل عليه الغبار .......... فيه المجلات القديمة طايحه والصور
قالت تعال اجلس ربع ساعة معي باختصار .......... ترى الليالي فرقتنا والقضى والقدر
ولا بقى من وقتي إلا ساعة الانتظار ........... بوادع الجيران وانأ حالتي في خطر
كفي دموعك ياحبيبه عندي أخر قرار ............ مالي بديره ماسكنتم في حماها نظر
خلاص إنا قررت أسافر صوب ذيك الديار ........... واسكن معك في وادي الريان يااغلى البشر
أخر دقيقه كنت أشاهدها على ارض المطار ........... ناد المنبه لتوجه حان وقت السفر
الطايره طارت وقلبي فز معها وطار ........... والعين هلت دمعها فالحال دمن حمر